ອາກຊັງຕິນ ພົບຜູ້ຕິດເຊື້ອໄຂ້ເລືອດອອກຫຼາຍພັນຄົນ
ສຳນັກຂ່າວສານຊິນຮວາລາຍງານໃຫ້ຮູ້ໃນ ວັນທີ 24 ກຸມພາ 2024 ນີ້ວ່າ: ກະຊວງສາທາລະນະສຸກ ອາກຊັງຕິນ ໄດ້ອອກຖະ
ແຫຼງການກ່ຽວກັບພະຍາດຕິດແປດວິທະຍາແຫ່ງຊາດໂດຍລະບຸວ່າ: ນັບແຕ່ວັນທີ 1 ມັງກອນ ປີ 2024 ມາຮອດປັດຈຸບັນ, ອາກຊັງ
ຕິນມີຜູ້ຖືກບົ່ງມະຕິເປັນພະຍາດໄຂ້ເລືອດອອກຫຼາຍກວ່າ 40.000 ກໍລະນີ.
ກະຊວງສາທາລະນະສຸກອາກຊັງຕິນ ໃຫ້ຮູ້ອິກວ່າ: ປີນີ້ ໄດ້ມີການລາຍງານວ່າ ມີຜູ້ເປັນພະຍາດໄຂ້ເລືອດອອກ 40.137 ກໍລະນີ.
ຍ້ອນມີຜູ້ເປັນພະຍາດເພີ່ມຂຶ້ນຫຼາຍ ແລະ ມີອາກາດຮ້ອນຢ່າງຕໍ່ເນື່ອງ, ສາທາລະນະສຸກອາກຊັງຕິນຈຶ່ງເຕືອນໃຫ້ປະຊາຊົນຈົ່ງເພີ່ມທະ
ວີການປ້ອງກັນຕົວ ເຊິ່ງລວມທັງມາດຕະການຕ່າງໆ ເຊັ່ນ: ຂ້າເຊື້ອຢູ່ບ່ອນທີ່ອາດຈະເກີດມີຍຸງ, ນຳໃຊ້ຢາຂ້າຍຸງ ເພື່ອຫຼີກເວັ້ນບໍ່ໃຫ້ຍຸງ
ກັດ ແລະ ເມື່ອມີອາການຕ້ອງໄປກວດຢູ່ໂຮງໝໍໂດຍໄວ.
ແຫຼ່ງທີ່ມາ: ໜັງສືພິມກອງທັບ
ວັນທີ 28/02/2024